BQO-da qaramaǵyndaǵylar sybaılas jemqorlyqqa barǵan 13 sheneýnik jaýapqa tartyldy

ORAL. KAZINFORM — Batys Qazaqstan oblysynda sybaılas jemqorlyq derekterine monıtorıng júrgizý nátıjesinde 7 adamǵa qatysty sot úkimi shyǵaryldy.

Memlekettik qyzmet isteri agenttiginiń BQO boıynsha departamentiniń basshysy, ádep jónindegi keńes tóraǵasy Murat Baısalovtyń málim etkenindeı, 13 laýazymdy qyzmetkerdiń beseýi ákimshilik memlekettik qyzmetshi bolsa, ekeýi quqyq qorǵaý organdarynda jumys istegen.

Onyń sózine qaraǵanda, atalǵan derekterge qatysty qaramaǵyndaǵylardyń sybaılas jemqorlyq qylmys jasaǵany úshin 13 laýazymdy qyzmetker tártiptik jaýapkershilikke tartyldy. Bulardyń úsheýi — ákimshilik memlekettik qyzmetshi, 10-y — quqyq qorǵaý organdarynyń qyzmetkerleri.

— Buqaralyq aqparat quraldarynda bıyl memlekettik qyzmetshilerge qatysty 14 jaǵymsyz materıal jarııalansa, sonyń úsheýi boıynsha derekter rastaldy. Soǵan sáıkes úsh qyzmetshiniń ekeýine sógis, bireýine qatań sógis berildi. Sonymen qatar tártiptik komıssııalardyń jumysyn monıtorıngileý barysynda 7 memlekettik qyzmetshiniń zańsyz tártiptik jaýapkershilikke tartylǵandyǵy anyqtaldy. Olarǵa qatysty qoldanylǵan tártiptik jazalardyń kúshi joıyldy, — dedi M.Baısalov.

Eske sala keteıik, budan buryn BQO-da sot uıǵarymyn oryndamaǵan aýyl ákimine shara qoldanylǵanyn jazǵan edik.

Sondaı-aq BQO-da 42 laýazymdy qyzmetkerge 3,3 mln teńge ákimshilik aıyppul salyndy.