BQO-da qar jaýyp, burqasyn kóterilmek
ORAL. QazAqparat - «Qazgıdromet» RMK «Batys Qazaqstan gıdrometeorologııa ortalyǵynyń» málimeti boıynsha 2 aqpan kúni táýlik boıy, 3 aqpan kúni túnde óńirde qar jaýyp, burqasyn kóteriledi, dep habarlaıdy «QazAqparat» HAA tilshisi.
Soltústik-batystan soǵatyn jeldiń jyldamdyǵy sekýndyna 15-20 metrge jetpek. Oral qalasynda da kún raıy osylaısha qubylyp, batys, soltústik-batystan soǵatyn jeldiń ekpini sekýndyna 18 metrge deıin jetýi yqtımal.
Osyǵan oraı BQO TJ departamenti eskertý jarııalap, turǵyndar arasynda tótenshe jaǵdaıdy boldyrmaý úshin aldyn alý sharalarynyń qabyldanyp jatqandyǵyn jetkizdi. Osy kúnderi táýlik boıy kezekshilik uıymdastyrylmaq.
Eske sala keteıik, Aqjaıyq aýdanynda 26 qańtar kúni boranda adasyp ketken turǵynnyń denesi búgin tabylǵan bolatyn.
