BQO-da qar qursaýynan 53 tehnıka shyǵaryldy
ORAL. QazAqparat - Batys Qazaqstan oblysynda qar qursaýynan 53 tehnıka shyǵaryldy, dep habarlaıdy «QazAqparat» tilshisi.
BQO TJ departamentinen túsken málimetke qaraǵanda, 9 naýryz kúni saǵat 21.06 shamasynda Tasqala aýdanynda, Oral-Tasqala-RF shekarasynyń 82-104 shaqyrymy aralyǵynda kóptegen avtokólik turyp qaldy.
Aýdandyq TJ bólimi, jergilikti polıtsııa qyzmeti men atqarýshy organdar jáne «ıÝnıserv» JShS-nyń kúshimen joldyń tazartylǵan bóligine 53 tehnıka shyǵaryldy. Sonyń ishinde 9 júk kóligi, 4 avtobýs, 4 shaǵyn avtobýs jáne 34 jeńil kólik boldy.
Eske sala keteıik, kúshti burqasynǵa baılanysty 8 naýryz kúni jergilikti saǵat 17.00-den bastap Oral-Tasqala-RF shekarasy jolynyń jabylǵany jóninde jazǵan bolatynbyz. Odan keıin 9 naýryz kúni Tasqala-Aqqýraı-Bolashaq-RF shekarasy baǵyty boıynsha da jol qozǵalysy shektelgen edi.
