BQO-da qar qursaýynan 18 adam qutqaryldy
ORAL. KAZINFORM — Batys Qazaqstan oblysynda tótenshe jaǵdaılar departamentiniń jeke quramy Qaztalov, Tasqala, Aqjaıyq jáne Terekti aýdandarynda 18 adamdy qutqardy. Onyń úsheýi bala. Bul týraly TJM baspasóz qyzmeti habarlady.
Qutqarylǵandarǵa medıtsınalyq kómek qajet bolmady. Zardap shekkender joq.
Qazirgi ýaqytta oblys aýmaǵynda respýblıkalyq mańyzy bar avtokólik joldarynyń bir ýchaskesinde júk avtokólikteri men avtobýstardyń qozǵalysyna shekteý engizilip, oblystyq mańyzy bar avtokólik joldarynyń úsh ýchaskesi jabyq.
Tótenshe jaǵdaılar mınıstrligi aýa raıy nasharlaǵan kezde eldi mekenderden tys jerlerge shyqpaýǵa jáne qaýipsizdik talaptaryn qatań saqtaýǵa shaqyrady.
Aıta keteıik, 2025 jyly sanıtarııalyq avıatsııa myńdaǵan adamdy qutqaryp qaldy.