BQO-da qant dıabetimen aýyratyn naýqas emshige qaralyp, aıaǵynan aıyryla jazdady

ORAL. QazAqparat - Batys Qazaqstan oblysynda emshiniń eminen keıin dertin asqyndyrǵan naýqasqa ota jasalyp, aman qaldy, dep habarlaıdy QazAqparat tilshisi.

Kaztalov aýdandyq aýrýhanasynyń baspasóz qyzmetinen túsken málimetke qaraǵanda, buǵan deıin qant dıabetimen aýyratyn naýqastyń bir aıaǵy ampýtatsııalanǵan.

Osy joly da derti maza bermegen soń endokrınolog mamannyń nemese jergilikti ýchaskelik dárigerdiń kómegine júginbeı, emshige qaralǵan.

Emshiniń eminen soń aýrýy asqynyp, Kaztalov aýdandyq aýrýhanasyna tústi.

Dárigerler asqynǵan ekinshi aıaǵy gangrenaǵa ulasyp ketpesi úshin ashyp tazalaýdy usynǵanymen, naýqas bas tartqan soń shuǵyl ota jasalǵan.

Sonyń nátıjesinde aq jeleńdiler onyń aıaǵy men ómirin saqtap qaldy.

Ota jasaǵan Kaztalov aýdandyq aýrýhanasynyń dırektory mindetin ýaqytsha atqarýshy, dáriger-hırýrg Zınur Sátkeshtiń aıtýynsha, kóp mólsherde iriń alynǵan.

«Otadan soń birneshe kúnnen keıin naýqastyń jaǵdaıy qalpyna keldi. Qant deńgeıi de birtindep tústi. Qazirgi tańda jaǵdaıy birqalypty», - dedi Z.Sátkesh.

Eske sala keteıik, budan buryn BQO-da medbıkeniń vaktsınatsııa pasportynyń zańsyz berilip otyrǵany jóninde shaǵymdanǵanyn jazǵan bolatynbyz.