BQO-da «KamAZ» kóligi órtenip ketti
ORAL. QazAqparat – Batys Qazaqstan oblysynda «KamAZ» kóligi órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 13 jeltoqsan kúni Terekti aýdany aýmaǵynda oryn aldy.
Podstepnyı-Fedorov-RF shekarasy jolynyń Dolınnyı aýyly tusynda saǵat 11.30-da «KamAZ» (samosval) avtokóligi jandy.
Órtti sóndirýge 4 adam 1 tehnıkamen jetti. «Tilsiz jaý» saǵat 12.45-te aýyzdyqtaldy.
Aıta keteıik, oblysta jyl basynan beri avtokólikte 98 órt tirkeldi. Sonyń 71-i – jeńil kólik, 15-i – júk kóligi, bireýi – avtobýs, úsheýi – qurylys tehnıkasy, 8-i – aýyl sharýashylyǵy mashınalary.
