BQO-da qamaýda otyrǵan kúdiktiniń ólimine qatysty tergeý júrgizilip jatyr
ORAL. KAZINFORM — Batys Qazaqstan oblysynda 16 jastaǵy qyzdy zorlady degen kúdikke ilingen burynǵy sheneýniktiń neden qaıtqany belgili boldy.
BQO polıtsııa departamentiniń baspasóz qyzmetinen málim etkenindeı, 25 aqpan kúni atalǵan kúdikti zańda ornatylǵan tártippen qamaýǵa alyndy.
Departament málimetine qaraǵanda, 11 naýryz kúni densaýlyǵynyń nasharlaýyna baılanysty kúdikti oblystyq kópbeıindi aýrýhananyń jansaqtaý bólimine jatqyzyldy. Oǵan baýyrdyń nekrozdy toksıkalyq zaqymdanýy, ketoatsıdozdy ınsýlınge táýeldi qant dıabeti dıagnozy qoıylǵan.
— 16 naýryz kúni saǵat 18.10-da er adam esin jımastan qaıtys boldy. Onyń ólimine qatysty sotqa deıingi tergeý amaldary bastaldy. Jan-jaqty tekserý júrgizilýde. Basqa aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy, — dep habarlady vedomstvodan.
Eske sala keteıik, budan buryn BQO-da 16 jastaǵy qyzdy zorlaý deregi boıynsha qylmystyq is tergelip jatqanyn jazǵan bolatynbyz.
Sondaı-aq BQO-da burynǵy sheneýnik 16 jastaǵy qyzdy zorlady degen kúdikpen qamaýǵa alyndy.
BQO-da jasóspirimdi zorlady degen kúdikpen ustalǵan burynǵy sheneýnik kóz jumdy.
