BQO-da Jaıyq ózenindegi sý deńgeıi ıAnvartsev aýyly tusynda 317 santımetrge jetti

ORAL. KAZINFORM – Batys Qazaqstan oblysynda birqatar ózenderde sý deńgeıi kóterilse, keıbireýinde tómendedi.

«Qazgıdromet» RMK BQO fılıalynyń 18 naýryz kúngi tańdaǵy málimetine qaraǵanda, Jaıyq ózeni Bórli aýdany Jarsýat aýyly tusynda 292 sm (+9 sm, qaýipti shegi – 1 myń sm) jáne Báıterek aýdany ıAnvartsev gıdrobeketinde 317 santımetrge (+11 sm, 1 myń sm) jetkenimen, Oral qalasynda bir táýlikte 8 sm (293 sm, 850 sm), Kóshimde 5 sm (241 sm), Aqjaıyq aýdany Taıpaq aýylynda 2 santımetrge (178 sm) tústi.

Shaǵan ózeni Báıterek aýdany Chývashın gıdrobeketinde 892 santımetrdi (+35 sm, qaýiptisi – 1 280-1 300 sm) kórsetti. Biraq Shaǵannyń Oralǵa taıaý ornalasqan Mıchýrın aýyly mańynda aǵysy báseńdegen (-9). 

Shyńǵyrlaý aýdanynda Elek ózeni 263 sm (+26, qaýipti shegi – 750 sm), Shyńǵyrlaý ózeni Aqshatta 436 sm (+20 sm, 540 sm), Aqtaýda 444 sm (+20 sm, 650 sm), Bórli aýdany Keńtúbek aýylynda 584 sm (ósim – 40 sm, 700 sm) boldy. 

Sondaı-aq Qaldyǵaıty ózeni Qaratóbe aýdany Egindikól aýyly tusynda birden 61 sm joǵarylap, 380 santımetrge (qaýipti deńgeı – 470 sm) jetti.

Báıterek aýdanynda Bykovka ózeni Qurmanǵazy aýylynda 725 santımetrge (+39 sm, qaýiptisi – 810 sm) sharyqtaǵan. 

Kaztalov aýdanynda Qaraózenniń Qaıyńdy jáne Jalpaqtal aýyldary mańynda kóterilip jatqany baıqalady.

Al Syrym aýdanynda Araltóbe aýylyna barar joldaǵy ýaqytsha kópirdi jyryp ketken Shiderti ózeniniń aryny qaıtyp, birden 98 santımetrge tómendegen. 

Eske sala keteıik, budan buryn Batys Qazaqstanda aýyl mańyndaǵy kópirdi sý shaıyp ketkenin jazǵan bolatynbyz.

Sondaı-aq Batys Qazaqstanda Shaǵan ózenindegi sý deńgeıi 860 santımetrge jýyqtady.