BQO-da 1,5 mln teńge para alǵany úshin sáýlet jáne qala qurylysy bóliminiń basshysy sottaldy

ORAL. KAZINFORM –  Oral qalasynyń soty qalalyq sáýlet jáne qala qurylysy bóliminiń basshysy A. Tashenbaevqa, onyń qaramaǵyndaǵy – bas maman N. Ǵataýǵa jáne «Alıhanstroıproekt» JShS dırektorynyń orynbasary A. Kýpbaevqa qatysty úkim shyǵardy. Bul týraly Sybaılas jemqorlyqqa qarsy is-qımyl agenttigi málim etti.

 БҚО-да қалалық сәулет және қала құрылысы бөлімінің басшысы сотталды
Фото: freepik.com

— Táshenbaev az qabatty kóppáterli turǵyn úıler salý boıynsha eskızdik jobalardy keliskeni jáne saýda-sattyqsyz jer ýchaskesin zańsyz berý jolymen laýazymdyq ókilettikterin asyra paıdalanǵany úshin Kýpbaevtan jalpy somasy 1,5 mln teńge para alǵany úshin kináli dep tanyldy. Ǵataý jer ýchaskesin irikteý aktisin keliskeni úshin Kýpbaevtan 500 myń teńge somasynda para alǵany jáne memlekettik qyzmetter portalyna qurylystyń bolmaýynsyz jer ýchaskesin keńeıtý týraly qujattardy zańsyz engizý jolymen laýazymdyq ókilettikterin asyra paıdalanǵany úshin kináli dep tanyldy, — delingen agenttik habarlamasynda.

Táshenbaev pen Ǵataý tıisinshe 7 jáne 3,5 jylǵa, al para berýshi 7 jylǵa bas bostandyǵynan aıyryldy. Olardyń barlyǵy ómir boıy memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan aıyrylǵan.

Sot aktisi zańdy kúshine engen joq.

Eske sala keteıik, buǵan deıin Antıkor Qazaqstannyń týrızm salasyndaǵy sybaılas jemqorlyqty teksergenin jazǵan bolatynbyz.

 

 

Сейчас читают