BQO-da izdestirilýde júrgen 17 kúdikti ustaldy
ORAL. QazAqparat - TMD elderi Іshki ister mınıstrlikteri arasyndaǵy kelisimge sáıkes naýryz aıyndaǵy «Іzdestirý» birlesken sharasy barysynda BQO aýmaǵynda izdestirilýde júrgen 17 kúdikti ustaldy, dep habarlaıdy «QazAqparat» HAA tilshisi.
BQO ishki ister departamenti krımınaldyq polıtsııa basqarmasynan túsken málimetke qaraǵanda, oblys aýmaǵynda Reseı Federatsııasynyń quqyq qorǵaý organdary izdeý salǵan 7, sondaı-aq Astana, Almaty qalalary men Atyraý oblysy departamentteri izdestirgen 3 kúdikti qolǵa túsken. Sonyń ishinde Almaty qalalyq ishki ister departamenti QR QK 190-baby 3-bólimine (iri kólemdegi alaıaqtyq) sáıkes uzaq ýaqyt boıy izdestirgen 1977 jylǵy B. esimdi áıel 15 naýryz kúni quryqtalyp, Oraldaǵy tergeý oqshaýlaǵyshyna jatqyzyldy. Sonymen qatar BQO ІІD bólimsheleri izdeý salǵan 7 kúdikti ustalyp, habarsyz ketken 2 adamnyń mekenjaıy, sondaı-aq eki belgisiz múrdeniń kimdiki ekendigi anyqtaldy. Ońdy nátıjelerdiń biri retinde oblys aýmaǵynda birneshe ret mal urlyǵyn jasap, boı tasalap júrgen 1984 jylǵy M. degen turǵynnyń qolǵa túsýin aıtýǵa bolady.
