BQO-da iz-túzsiz ketken 22 jastaǵy boıjetken izdestirilip jatyr
ORAL. QazAqparat – Batys Qazaqstan oblysynda iz-túzsiz ketken 22 jastaǵy qyz izdestirilýde, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, Qundyz Joltaeva 4 qarasha kúni shamamen saǵat 09.00-da Aqsaı qalasy Zavodskaıa kóshesi, 88 mekenjaıyndaǵy úıinen shyǵyp ketkennen qaıtyp oralmaǵan.
Ústine kapıýshony bar qyzyl palto, kók tústi djınsy, qara kofta, aıaǵyna qońyr etik kıgen.
Boıy - 170 sm, salmaǵy - 60 kg, shashy - qara, uzyn.
Qundyz Muratqyzynyń qaıda júrgenin kórgen-bilgender bolsa, 102 nemese 8-778-544-44-34 telefonyna habarlasýyna bolady.
