BQO-da ıt qapqan 760-qa jýyq adam medıtsınalyq kómekke júgindi

ORAL. KAZINFORM – Batys Qazaqstan oblysynda antırabııalyq kómekke júginýshiler sany kóbeıip otyr. 

BQO sanıtarııalyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkendeı, bıylǵy bes aıda janýarlardan zardap shekken 1 067 adam medıtsınalyq kómek alǵan, bul ótken jylǵy osy kezeńdegiden (1 046) 21-ge kóp.

Nurlybek Ermekulynyń sózine qaraǵanda, sonyń ishinde 371-i nemese 34,8 paıyzy (2024 jyly bes aıda – 335) – balalar. 

Medıtsınalyq kómekke júgingenderdiń eń joǵary kórsetkishi Jánibek aýdany (191,5 paıyz) men Oral qalasynda (203,7 paıyz) baıqalady.

– Jaraqat alǵandardyń 757-sin nemese 70,9 paıyzyn ıt qapqan. 25,4 paıyzyn mysyq tistegen nemese tyrnaǵan. Qalǵany basqa janýarlardyń úlesinde, - dedi N.Mustaev. 

Onyń aıtýynsha, kez kelgen janýar tistegen jaǵdaıda dereý dárigerge qaralý qajet. Keıingi jyldary qutyrý deregi tirkelmegenimen, janýarlardan zardap shekken adamdardyń kóbeıýi alańdatady. 

– Qutyrýǵa qarsy vaktsınatsııa – qaýipti aýrýdyń aldyn alýdyń jalǵyz ádisi. Tistegen kezde aldymen jarany 20 paıyz sý-sabyndy eritindimen jýyp, aınalasyn 70 paıyzdy spırtpen nemese 5 paıyzdy ıod eritindisimen óńdeý kerek. Taıaý mańdaǵy aýrýhanaǵa baryp, travmatolog jáne hırýrg taǵaıyndaǵan vaktsınatsııa kýrsyn tolyq alý qajet. Barlyǵy 5 vaktsınatsııa adam ómirin saqtap qalady, - dedi departament basshysynyń orynbasary. 

Eske sala keteıik, budan buryn BQO-da tumaýǵa shaldyqqandar sany 8,9 esege óskenin jazǵan bolatynbyz.