BQO-da ishki ister organdarynda 300-den astam áıelder eńbek etedi
ORAL. QazAqparat - Batys Qazaqstan oblysynda ishki ister organdarynda 300-den, oblystyq departamentte 200-den astam áıelder eńbek etedi. Bul týraly búgin oblystyq qazaq drama teatrynda BQO ishki ister departamenti uıymdastyrǵan saltanatty jıynda aıtyldy, dep habarlaıdy «QazAqparat» HAA tilshisi.
Departamenttiń baspasóz qyzmetinen túsken málimetke qaraǵanda, shara barysynda QR Іshki ister mınıstri, polıtsııa general-polkovnıgi Qalmuhanbet Qasymovtyń quttyqtaý jedelhaty men buıryǵy oqylyp, óz mindetterin minsiz atqaryp, joǵary tabystarǵa qol jetkizgen áıel qyzmetkerler marapattaldy. Atap aıtqanda, BQO ІІD tergeý basqarmasynyń tergeýshisi, polıtsııa podpolkovnıgi Almagúl Bekbasova, jergilikti polıtsııa qyzmetiniń ınspektory, polıtsııa kapıtany Gaýhar Qaramenova, departamenttiń uıymdasqan qylmysqa qarsy kúres basqarmasynyń jedel ýákili, polıtsııa aǵa leıtenanty Farıza Qusaıynova ekinshi dárejeli «Іshki ister organdarynyń úzdigi» keýdebelgisimen marapattalsa, Oral qalalyq ishki ister basqarmasy Abaı polıtsııa bóliminiń ınspektory, polıtsııa maıory Anargúl Qalıeva mınıstrlik gramotasyn, Bórli aýdandyq ishki ister bóliminiń aǵa krımınalısi, polıtsııa maıory Irına Andreeva, Oral qalalyq ishki ister basqarmasy jergilikti polıtsııa qyzmeti kámeletke tolmaǵandar isi jónindegi ýchaskelik polıtsııa ınspektory, polıtsııa kapıtany Anar Baqyrbaeva mınıstrlik alǵyshatyn ıelendi. Sonymen qatar bir top qyzmetkerge departamenttiń marapattary tabys etildi.
Jınalǵandardy merekemen BQO ІІD bastyǵy, polıtsııa general-maıory Maqsuthan Ábilázimov quttyqtap, áıelderdiń qyzmet pen qoǵamdaǵy orny erekshe ekendigin atap ótip, ıgi tilegin jetkizdi.
Merekelik shara kontserttik baǵdarlamaǵa ulasty.
