BQO-da iri jol apatynan tórt adam qaza tapty
ORAL. QazAqparat - Batys Qazaqstan oblysynda búgin tańerteń iri jol apaty bolyp, tórt adam qaza tapty, dep habarlaıdy «QazAqparat» tilshisi.
BQO ІІD jergilikti polıtsııa qyzmetiniń basshysy, polıtsııa polkovnıgi Manarbek Ǵabdýllınniń aıtýynsha, bul jóninde habar saǵat 07.35-te túsken. Oral-Aqsaı jolynyń 68-shaqyrymynda «VAZ 2114» avtokóligi qarsy betke shyǵyp ketip, «Folksvagen» avtokóligimen soqtyǵysqan. Sonyń saldarynan «VAZ 2114» avtokóliginiń júrgizýshisi men úsh birdeı jolaýshysy oqıǵa ornynda kóz jumǵan. Al jaraqat alǵan «Folksvagen» avtokóliginiń júrgizýshisi Terekti aýdandyq aýrýhanasyna jetkizilgen.
Qazirgi kezde oqıǵanyń jaı-japsary anyqtalý ústinde.
Atalǵan derek boıynsha qylmystyq is qozǵalyp, tergeý amaldary júrgiziletin bolady.
