BQO-da iri kólemde qarjy men avtokólik bopsalaǵandar ustaldy
ORAL. QazAqparat – Batys Qazaqstan oblysynda iri kólemde qarjy men avtokólik bopsalaǵandar ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, úsh oqıǵa da Oral qalasynda bolǵan.
Ábilqaıyr han kóshesi boıynda «Jıgýlı» aıaldamasy mańynda 1989 jylǵy turǵyn 34 jastaǵy azamatqa pyshaqqa uqsas zatpen kúsh kórsetip, dene jaraqatyn salǵan. Sosyn 1,750 mln teńge kóleminde qarjy bopsalaǵan.
Sondaı-aq 1992 jylǵy eki turǵyn Eýrazııa dańǵyly boıyndaǵy «Sen Oıl» janar-jaǵarmaı stansasy tusynda qalada turatyn 26 jastaǵy azamatqa kúsh kórsetip, onyń avtokóligin bopsalap, tartyp alǵan.
Qazirgi kezde Oral qalasy polıtsııa basqarmasy bul eki oqıǵa boıynsha QR QK 194-baby 1-bóligine (bopsalaý) sáıkes tergeý amaldaryn júrgizýde.
Sol sekildi 1992 jylǵy taǵy eki er adam «Sen Oıl» janynda Báıterek aýdanynyń 23 jastaǵy turǵynyn bopsalap, onyń da avtokóligin tartyp alǵan.
Bul derek boıynsha da QR QK 194-baby 2-bóligine (bopsalaý) sáıkes sotqa deıingi tergeý amaldary jalǵasýda.
Eske sala keteıik, budan buryn polıtsııaǵa para bermek bolǵan BQO turǵynynyń ustalǵanyn jazǵan edik.
