BQO-da ınvataksı qyzmetinde zań buzýshylyqtar anyqtaldy

ORAL. KAZINFORM – Batys Qazaqstan oblysy Syrym aýdany prokýratýrasy múgedektigi bar adamdardyń quqyqtaryn qorǵaý salasynda zań buzýshylyqtardy anyqtady.

Tekserý barysynda ınvataksı qyzmetteri kreslo-arbamen júretin adamdardy tasymaldaýǵa arnalǵan arnaıy qurylǵymen jabdyqtalmaǵan kólikterde kórsetilgeni belgili boldy. Sondaı-aq kólikterde balalardy ustaýǵa arnalǵan quraldar men taksı belgisi bolmaǵan.

Invataksı qyzmetin kórsetetin jetkizýshi de biliktilik talaptaryna saı kelmegen.

- Aýdan prokýrorynyń usynýy boıynsha 2025 jylǵa arnalǵan ınvataksı qyzmetterin kórsetý konkýrsynyń sharttary zańnamaǵa sáıkes qaıta qaralyp, qazir kúndizgi jáne túngi jumys kestesin, demalys jáne mereke kúnderin qamtıdy. Sonymen qatar, Syrym aýdanynyń jumyspen qamtý jáne áleýmettik baǵdarlamalar bóliminiń basshysyna memlekettik qyzmetke kir keltiretin tártiptik teris qylyǵy úshin «qyzmetke tolyq sáıkes emestigi týraly» eskertý berildi, - dep jazdy baqylaýshy organnan.

Budan bólek, 6 mln teńgeden astam somaǵa jalǵan marshrýttyq paraqtar jasaý derekteri anyqtalyp, olar boıynsha materıaldar sotqa deıingi tergep-tekserý ýákiletti organyna joldandy.

Aıta keteıik, Qyzylordada da ınvataksı qyzmetine qatysty shaǵym kóp.