BQO-da inisi aǵasyn pyshaqtap óltirdi
ORAL. QazAqparat - Bókeı ordasy aýdany ortalyǵy Saıqyn aýylynda 6 qańtar kúni qaıǵyly oqıǵa oryn aldy, dep habarlaıdy «QazAqparat» HAA tilshisi.
Aýdandyq ishki ister bóliminen alynǵan aldyn ala málimetke qaraǵanda, 1989 jylǵy Beket Qojantaev aldymen jeńgesi Qarashashqa pyshaq jumsaǵan. Sol kezde arashalamaq bolǵan ózinen bir jas úlken aǵasy Medetke tórt ret pyshaq suqqan. Marqum aýdandyq aýrýhanaǵa jetkenshe jan tapsyrǵan. Tórt aılyq sábıi bar jeńgesi qazir aýdandyq aýrýhanada emdelýde.
Qazirgi kezde osy derekke baılanysty qylmystyq is qozǵalyp, sot-medıtsınalyq saraptamalar taǵaıyndalyp, tergeý amaldary júrgizilýde.
Aýyl turǵyndarynyń aıtýynsha, arasy bir jas bolǵanymen, Medet pen Beket mektepti bir jylda bitirgen. Іnisi joǵary bilimdi bolǵanymen, úsh-tórt aıdaı úıinde jumyssyz otyrǵan. Buryn olardyń ashý-arazdyqtary baıqalmaǵan.
Bir shańyraqty ortasyna túsirgen qaıǵyly oqıǵadan keıin búgin Medet jer qoınyna tapsyryldy.
