BQO-da ınfektsııalyq statsıonarlarda jatqandar sany 300-den asty
ORAL. QazAqparat – Batys Qazaqstan oblysynda juqpaly aýrýlar statsıonarlarynda jatqandar sany 311-ge jetti, dep habarlaıdy QazAqparat tilshisi.
BQO Densaýlyq saqtaý basqarmasynyń baspasóz qyzmetinen málim etkendeı, óńir koronavırýstyń taralýy boıynsha «qyzyl» aımaqta tur.
Qazirgi tańda 27 adam jansaqtaý bóliminde jatyr. Sondaı-aq 30 adam karantındik statsıonarda emdelýde.
Osy kezge deıin oblysta indet juqtyrǵandar sany 10085-ke jetse, sonyń 8699-y jazyldy. 183 adam qaıtys boldy.
Koronavırýs belgileri bar pnevmonııaǵa shaldyqqan 276 adam statsıonarlyq, 52-si ambýlatorlyq em aldy. Bul dertten 264 adam kóz jumdy.
Kúni búgin ınvazıvti emes jasandy tynys alý apparatyna 8, ottegi kontsentratoryna 14, ortalyqtandyrylǵan ottegi kózine 57 adam qosylǵan.
Qańtar aıynda ǵana óńirde 65 bala koronavırýs juqtyrdy.
Osy aıda «Jaıyqmunaı» JShS-nyń 9 qyzmetkerinen indet tabyldy. Al «QPO b.v.» kompanııasynda 15 adamnyń koronavırýs juqtyrǵany tirkeldi.
Eske sala keteıik, budan buryn Batys Qazaqstan oblysynda karantındik shekteý sharalary kúsheıtiletinin jazǵan bolatynbyz.
