BQO-da ınfektsııalyq statsıonarda jatqandar sany 500-den asty
ORAL. QazAqparat – Batys Qazaqstan oblysynda 18 ınfektsııalyq statsıonarda koronavırýs juqtyrǵan 501 naýqas emdelýde, dep habarlaıdy QazAqparat tilshisi.
BQO Densaýlyq saqtaý basqarmasynan málim etkenindeı, sonyń ishinde Oral qalasyndaǵy 5 aýrýhanada 422 adam em qabyldaýda.
Jansaqtaý bóliminde jatqandar sany 37-ge jetti.
Sońǵy táýlikte 63 adamnan indet tabylsa, 84 naýqas jazylyp shyqty.
Bir aptada aldyńǵymen salystyrǵanda, aýrý juqtyrý kórsetkishi 25,3 paıyzǵa (161) ósip ketti.
Basqarma málimetine qaraǵanda, jyl basynan beri óńirde 15515 adam syrqattansa, sonyń 55 paıyzy (8531) Oral qalasynda, 14 paıyzy (2234) Báıterek, 11 paıyzy (1759) Bórli aýdanynda tirkelgen.
Іndet bastalǵannan beri oblys 24736 koronavırýs juqtyryp, sonyń 19988-i emdelip shyqty. 379-y kóz jumdy.
Eske sala keteıik, budan buryn Batys Qazaqstan oblysynda karantındik shekteýler kúsheıtilgenin jazǵan bolatynbyz.
