BQO-da Indýstrııalandyrý kartasy aıasynda jeti joba júzege asyrylýda
ORAL. QazAqparat - Batys Qazaqstan oblysynda bıyl Indýstrııalandyrý kartasy aıasynda 7,7 mlrd teńgege 7 ınvestıtsııalyq joba júzege asyrylýda, dep habarlaıdy «QazAqparat» tilshisi.
Oblys ákimi Altaı Kólginovtiń aıtýynsha, bul 440 jumys ornyn ashýǵa múmkindik beredi. Sonyń ishinde 926 mln teńgege qosymsha úsh joba iske qosylmaqshy. Atap aıtqanda, «Steklo Servıs» JShS 350 mln teńgege aldaǵy jeltoqsan aıynda tereze jáne esik shyǵarý óndirisin bastamaqshy. Sol sekildi «Asar» JShS jyl sońyna deıin 376 mln teńgege aıaqkıim tigý fabrıkasyn ashpaqshy. Al «Evrazııa Trend» JShS 200 mln teńgege esikter shyǵarýdy jolǵa qoımaq.
Jalpy, ekinshi besjyldyq (2015-2019) barysynda óńirde 82,4 mlrd teńgege 22 ınvestıtsııalyq joba (1196 jumys orny) júzege asyrylýda. 2018-2019 jyldary 1,6 mlrd teńgege úsh joba iske qosylmaqshy.
Aıta keteıik, bıylǵy on aıda ónerkásip kásiporyndary 1,5 trln teńge ónim óndirdi, bul ótken jylǵydan 7,1 paıyzǵa kóp. Al eksport kólemi toǵyz aıda 3,4 mlrd AQSh dollaryna jetip, 41 paıyzǵa artty.
