BQO-da indet juqtyrǵan júkti áıel alys aýdannan sanavıatsııamen jetkizildi
ORAL. QazAqparat – Batys Qazaqstan oblysynda indet juqtyrǵan 39 jastaǵy júkti kelinshek Bókeı ordasy aýdanynan sanavıatsııamen jetkizildi, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, áıel besinshi balaǵa júkti, kótergenine 19 apta bolǵan.
«Qazirgi kezde áıeldiń jaǵdaıy ortasha aýyr. Koronavırýstan tolyqtaı emdelýde. Qyzýy qalypty. Ottegige táýeldi emes, ózdiginen dem alady. Bári jaqsy bolady dep úmittenemiz», dedi N.Ahmetova.
Bókeı ordasy aýdany Oral qalasynan 600 shaqyrym qashyqtyqta jatyr.
Eske sala keteıik, budan buryn BQO-da jeltoqsanda 50-den astam balanyń koronavırýs juqtyrǵanyn jazǵan bolatynbyz.
