BQO-da ıeleri aıyppul tóleýden jaltarǵan 92 avtokólik arnaıy turaqqa qoıyldy
ORAL. QazAqparat - Batys Qazaqstan oblysynda «Avtoýragan» kesheniniń kómegimen ıeleri aıyppul tóleýden jaltarǵan 92 avtokólik arnaıy turaqqa qoıyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, olardyń jalpy qaryzy 1 mln 522 myń teńgeni qurady.
Sonymen qatar «Avtoýragan» kesheni shet elderde tirkelgen, alaıda elimizde júrip avtokólik ıeleri jasaǵan quqyqbuzýshylyqtardy da anyqtaýda. Tek bıylǵy qańtar aıynyń ózinde olar 1 027 ret jol erejesin buzǵan. Sonyń ishinde 393 avtokólik ustalyp, ıelerinen 5 mln 169,183 myń teńge óndirildi.
Jalpy, ótken aıda qoǵamdyq tártipti, jol qaýipsizdigin qamtamasyz etý jáne kóshi-qon zańdylyǵyn saqtaýǵa baqylaý ornatý maqsatynda 9 801 quqyqbuzýshylyqtyń joly kesildi. Sonyń ishinde 55 mln 486 myń teńgeni óndirý jóninde 7621 qaýly shyǵaryldy.
«Kúni búginge deıin azamattar jalpy somasy 30 mln 883 myń teńgeniń 4280 aıyppulyn tóledi», dep habarlady QazAqparat tilshisine departamenttiń baspasóz qyzmetinen.
