BQO-da halyqaralyq jol bóligi jabyldy

ASTANA. KAZINFORM — Batys Qazaqstan oblysynda halyqaralyq mańyzy bar Aqtóbe-Oral-RF shekarasy («Syrym» ótkizý beketi) jolynyń 254-261 shaqyrymy, ıaǵnı Oral avtovokzalynan Terekti aýdany Podstepnyı aýylyna deıingi ýchaskesi tolyq jabyldy.

«QazAvtoJol» UK» AQ BQO fılıalynan málim etkenindeı, 27 shilde kúni saǵat 14.00-den bastap jabylǵan jol bóliginde josparly jóndeý-qalpyna keltirý jumystary júrgiziledi.

- Atalǵan is-sharaǵa baılanysty ýaqytsha keleńsizdikterdiń aldyn alý maqsatynda saıajaı turǵyndary úshin Podstepnyı aýylyndaǵy uzyn kópirden bastap 2-saıajaı qaýymdastyǵy baǵytyna deıingi jol bóligi ashyq bolady. Jol qozǵalysyna qatysýshylardan túsinistik tanytýdy suraımyz, - delingen resmı aqparatta.

Eske sala keteıik, budan buryn Oralda Jaıyq ózenindegi kópir eki aptaǵa jabylatynyn jazǵan edik.