BQO-da gonkong tumaýymen aýyrǵandar sany 3,5 esege ósti

ORAL. KAZINFORM — Batys Qazaqstan oblysynda bıylǵy 1 qazannan bastap 59 353 adam jedel respıratorlyq vırýstyq ınfektsııaǵa (JRVI) shaldyqqan.

BQO sanıtarııalyq-epıdemıologııalyq baqylaý departamentiniń baspasóz qyzmetinen málim etkenindeı, sonyń 42 528-i – 14 jasqa deıingi balalar. Al 718-i – bir jasqa tolmaǵan sábıler. 

Oǵan qosa 110 júkti áıel JRVI-men syrqattandy. 

Sondaı-aq 181 adamnan tumaýdyń A tıpiniń H3N2 vırýsy anyqtalǵan. Bul ótken jylǵy osy kezeńdegiden 3,5 esege kóp. Bulardyń basym kópshiligi nemese 129-y – 14 jasqa deıingi balalar. Sonymen qatar 15 júkti áıel tumaýmen aýyrdy. 

- Qazirgi tańda oblys boıynsha barlyq mektepter offlaın formatynda oqyp jatyr. BQO sanıtarııalyq-epıdemıologııalyq baqylaý departamenti turǵyndarǵa aldyn alý sharalaryn umytpaı, saq bolý kerektigin eske salady, - dep habarlady vedomstvodan.

Eske sala keteıik, budan buryn Batys Qazaqstanda gonkong tumaýyna shaldyqqandar sany 150-den asqanyn jazǵan edik.