BQO-da «GAZel» avtokóligi órtenip ketti
ORAL. QazAqparat – Batys Qazaqstan oblysynda «GAZel» avtokóligi órtenip ketti, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa 5 mamyr kúni saǵat 02.40-ta Tasqala aýdany Tasqala aýylynda boldy.
M.Mámetova kóshesi boıyndaǵy jeke turǵyn úıdiń janynda turǵan «GAZel-33021» avtokóligi jandy.
«Tilsiz jaý» órt sóndirýshilerdiń kúshimen (3 adam, 1 tehnıka) saǵat 03.22-de aýyzdyqtaldy.
Bıyl jyl basynan beri óńirde 27 avtokólik órtendi.
«Osyǵan oraı júrgizýshilerge aıtarymyz, avtokólik kapotynan benzınniń nemese kúıgen rezeńkeniń ısin sezip, tútindegenin kórseńiz, muqııat qarańyz. Eger janyp jatsa, órt sóndirý bólimine habarlap, ár kólikte bolýy tıis órt sóndirgish quralymen ottyń betin qaıtarýǵa tyrysyńyz. Óz kúshińizben sóndirý múmkin bolmasa, aýlaq ketińiz. Benzın bagy jarylýy múmkin. Janyp jatqan avtokólikke otyryp, tutatýǵa múldem bolmaıdy», dedi QazAqparat tilshisine E.Tóregeldıev.
Eske sala keteıik, budan buryn Oral qalasy mańynda orman órtengenin jazǵan bolatynbyz.
