BQO-da gazdyń sharpýynan áıel adam kúıip qaldy
ORAL. QazAqparat - 29 qańtar kúni 16 saǵat 55 mınýtta BQO TJ departamenti órt sóndirý jáne apattyq-qutqarý qyzmeti №25 órt bólimine Zelenov aýdany Peremetnyı aýylyndaǵy Gagarın kóshesi 134-mekenjaıda bir páterlik úı senesinde gaz ballonynan órt shyqqany jóninde málimet túsken, dep habarlaıdy «QazAqparat» HAA tilshisi.
TJ departamentinen túsken derekke qaraǵanda, gazdyń sharpýy saldarynan 16 sharshy metr aýmaqtaǵy seneniń tóbesi janǵan. Oǵan qosa 1954 jylǵy áıel jambasynan, eki tizesinen, qoly men betinen 1 dárejeli 25 paıyz kúıik alǵan. 17 saǵat 55 mınýtta beti qaıtqan órt 18.25-te tolyqtaı sóndirilgen.
Órt sóndirýge 1 tehnıka, 4 adam jumyldyryldy.
Qazirgi kezde oqıǵanyń sebep-saldary, keltirilgen shyǵyn, kináliler anyqtalýda.
