BQO-da gazdan ıis tıip, kóz jumǵan áıeldiń qazasyna qatysty tergeý amaldary júrgizilýde
ORAL. QazAqparat - Budan buryn QazAqparat habarlaǵanyndaı, Aqsaı qalasynda 10 qańtar kúni óz úıinde gazdan ıis tıip, kóz jumǵan 1979 jylǵy áıeldiń qazasyna qatysty tergeý amaldary júrgizilýde, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, atalǵan derek QR QK 104-babyna sáıkes sotqa deıingi tergep-tekserýdiń biryńǵaı tizilimine tirkeldi. Naqty sheshim sot-medıtsınalyq saraptama qorytyndysy belgili bolǵannan keıin shyǵarylmaq.
Marqumnyń kórshisiniń sózine qaraǵanda, bir aýlada eki úı qatar ornalasqan. Sol kúni «OralGazAımaq» JShS mekemesinen eki qyzmetker kelip, gaz júretin joldy tazalap ketken. Oqıǵa sodan keıin oryn alǵan. Ony úıine mektepten oralǵan marqumnyń úlken balasy habarlaǵan.
Eske sala keteıik, sol mezgilde úıde bolǵan áıeldiń 2013 jylǵy egiz uly men qyzyn dárigerler arashalap qala aldy.
