BQO-da gaz baǵasy kóterildi

ORAL. QazAqparat - Batys Qazaqstan oblysynda suıytylǵan jáne tabıǵı gaz baǵasy ósti, dep habarlaıdy «QazAqparat» tilshisi.

BQO energetıka jáne turǵyn úı-kommýnaldyq basqarmasynan túsken málimetke qaraǵanda, suıytylǵan gazdy ótkizetin iri mekemeniń biri «Táýekel» JShS Oral qalasyndaǵy gaz quıý stansasyndaǵy janar-jaǵar maıdyń ár lıtriniń bólshek saýdadaǵy baǵasyn 68-den 69 teńgege kótergen. Degenmen suıytylǵan gazdyń kóterme baǵasy ózgerissiz qaldy. Óńirde suıytylǵan gazdyń bólshek saýdasymen «Táýekelmen» qatar «VKSS» jáne «Alaý» JShS aınalysady.

Basqarmanyń bólim basshysy Beıimbet Mýsınniń sózine qaraǵanda, baǵany ázirge «Táýekel» JShS ǵana kóterip otyr. Ótken jyldyń 5 jeltoqsanynda otynnyń ár tonnasy úshin shekti baǵa jóninde kelisim jasalǵan. Suıytylǵan kómirsýtekti gazdy oblystyń ishki naryǵyna «Jaıyqmunaı» JShS kóterme baǵamen jetkizedi. Ol baǵany ósirgen joq.

Oblysta sondaı-aq bıylǵy 1 qańtardan bastap turǵyndar jáne zańdy tulǵalar úshin tabıǵı gaz baǵasy da 4 paıyzǵa kóterildi. «QazTransGazAımaq» AQ Batys Qazaqstan fılıalynan túsken málimetke qaraǵanda, osyǵan deıin gaz baǵasy 1 myń tekshe metr úshin 17186 teńge bolsa, endi ol 17812 teńgeni qurap otyr.