BQO-da «Folksvagen Vento» men polıtsııa avtokóligi soqtyǵysty
ORAL. QazAqparat - Búgin saǵat 07.00 shamasynda Samara-Shymkent kúre jolynyń 276-shaqyrymynda 1992 jylǵy júrgizýshi «Folksvagen Vento» avtokóliginiń rýline ıe bola almaı, qarsy betke shyǵyp ketip, BQO ІІD jergilikti polıtsııa qyzmetiniń patrýldik avtokóligimen soqtyǵysty, dep habarlaıdy «QazAqparat» HAA tilshisi.
Іshki ister departamentiniń baspasóz qyzmetinen túsken málimetke qaraǵanda, jol apaty saldarynan patrýldik avtokólikti aıdap kele jatqan polıtsııa serjanty men «Folksvagen Vento» kóliginiń júrgizýshisi M. zardap shekti. Qos júrgizýshi de qalalyq kópbeıindi aýrýhanaǵa jatqyzyldy. Patrýldik avtokólik júrgizýshisiniń qasynda bolǵan serigi dárigerler kómek kórsetkennen keıin ambýlatorlyq em qabyldaý úshin úıine jiberildi.
Atalǵan derek boıynsha qyzmettik tekserý júrgizilýde. Birqatar saraptama taǵaıyndaldy.
Eske sala keteıik, óńirde jyl basynan beri osyǵan deıin 34 jol-kólik oqıǵasy tirkelip, sonyń saldarynan 4 adam qaza taýyp, 41-i túrli jaraqat alǵan bolatyn.
