BQO-da evakýatormen soqtyǵysýdan qaza tapqan júrgizýshi sheteldik bolyp shyqty
ORAL. QazAqparat – Oralda búgin túnde jol apatynan qaza tapqan er adam shetel azamaty bolyp shyqty, dep habarlaıdy QazAqparat tilshisi.
Buǵan deıin habarlaǵanymyzdaı, jol-kólik oqıǵasy búgin túngi saǵat 02.50-de boldy. Oblystyq Densaýlyq saqtaý basqarmasy bir adamnyń qaza tapqanyn, taǵy biri zardap shekkenin málim etken edi. BQO-nyń Polıtsııa departamenti aqparatty keıinirek usynýǵa ýáde etken bolatyn.
Polıtseılerdiń málimetine sáıkes, Ózbekstannyń 31 jastaǵy azamaty ıÝ.Gagarın men S.Datuly kósheleriniń qıylysynda «Daewoo Nexia» avtokóliginiń rýline ıe bola almaı qalyp, jolda turǵan «KamAZ» qyzmettik avtokóligimen (evakýator) soqtyǵysqan.
Polıtsııa qyzmetkeri mingen evakýator birer saǵat buryn ǵana dál sol qıylysta soqtyǵysyp qalǵan ózge kólikterdiń birin tıep jatqan.
Jol apaty saldarynan sheteldik azamat jedel járdem kelgenge deıin oqıǵa ornynda kóz jumdy.
«Polıtsııa qyzmetkeri jabyq bas-mı jaraqatyn alyp, mıy shaıqalǵan. Ol arnaıy tehnıkaǵa sekirip minip úlgirgen. Arnaıy tehnıka jaryq jáne apattyq jol belgisimen jumys jasap turǵan», - dedi Polıtsııa departamentinen.
