BQO-da esirtkige mas kúıinde rýlge otyrǵan júrgizýshi sottaldy

ORAL. KAZINFORM — Batys Qazaqstan oblysynda Báıterek aýdandyq sotynda QR QK 346-baby 1-bóligine sáıkes I. degen turǵynǵa qatysty qylmystyq iske núkte qoıyldy.

BQO sotynyń baspasóz qyzmetinen málim etkenindeı, atalǵan júrgizýshi buryn kólik basqarý quqyǵynan aıyrylǵan. Soǵan qaramastan, esirtkige mas kúıinde avtokólik rýline otyrǵan.

Sottalýshy kinásin moıyndap, is boıynsha jınalǵan dáleldemelerdi daýlamady. 

- Sot jaza taǵaıyndaǵan kezde qylmystyń qoǵamdyq qaýiptiligin, sottalýshynyń tıisti qorytyndy jasamaı, jol qozǵalysynyń basqa qatysýshylaryna, adamdardyń densaýlyǵy men ómirine qaýip tóndirgenin, basqa da mán-jaılardy eskerdi. Júrgizýshige 1 jyl merzimge bas bostandyǵynan aıyrý jazasyn qaýipsizdigi eń tómen qylmystyq-atqarý júıesi mekemesinde óteý belgilendi. Oǵan qosa ol ómir boıyna kólik quraldaryn basqarý quqyǵynan aıyryldy. Úkim zańdy kúshine engen joq, - dep habarlady vedomstvodan.

Eske sala keteıik, budan buryn BQO-da sot uıǵarymyn oryndamaǵan aýyl ákimine shara qoldanylǵanyn jazǵan edik.