BQO-da esirtkige eltigen júrgizýshi qaǵyp ketken er adam kóz jumdy
BQO polıtsııa departamentiniń baspasóz qyzmetinen málim etkenindeı, oqıǵa 8 sáýir kúni shamamen saǵat 23.18-de Atyraý-Oral avtojoly boıynda qalaǵa qarasty Krýgloozernyı kenti mańynda boldy.
«Hyundai Sonata» avtokóliginiń júrgizýshisi jol qaýipsizdigin qamtamasyz etpeı, belgilenbegen jerden ótip bara jatqan 33 jastaǵy er adamdy qaǵyp ketti. Jaıaý júrginshi oqıǵa ornynda kóz jumdy. Jol-kólik oqıǵasy kezinde «Hyundai Sonata» avtokóliginiń 33 jastaǵy júrgizýshisi kannabıoıdtardy (marıhýana) qoldanýdyń áserinen mas kúıde bolǵan. Qazirgi kezde atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.
BQO densaýlyq saqtaý basqarmasy baspasóz qyzmeti oqıǵany rastap, er adamnyń oqıǵa ornynda qaıtys bolǵanyn jetkizdi.
Eske sala keteıik, budan buryn BQO-da 5-qabattan sekirmek bolǵan áıeldiń qutqarylǵanyn jazǵan edik.
Sondaı-aq Batys Qazaqstanda áıelin óltirmek bolǵan turǵyn ustaldy.