BQO-da erli-zaıypty qarııalardyń ólimine kináli júrgizýshi mas bolǵan
ORAL. QazAqparat – Batys Qazaqstan oblysynyń Aqsaı qalasynda eki adamnyń ólimine ákep soqtyrǵan jol apatyn jasaǵan júrgizýshi mas kúıde bolǵany anyqtaldy, dep habarlaıdy QazAqparat tilshisi.
Buǵan deıin habarlaǵanymyzdaı, 19 qazan kúni tańǵy ýaqytta 33 jastaǵy júrgizýshi «Lada Granta» kóligimen qarsy betke shyǵyp ketip, «Lada-21114» avtomashınasymen soqtyǵysty. Saldarynan ekinshi kólikte bolǵan 69 jáne 71 jastaǵy erli-zaıyptylar (júrgizýshi men jolaýshy) sol jerde jan tapsyrdy.
Al «Lada Grantanyń» júrgizýshisi men eki jolaýshysy túrli jaraqattarmen aýdandyq aýrýhanaǵa jetkizildi.
BQO Polıtsııa departamentiniń baspasóz qyzmetinen túsken málimetke qaraǵanda, atalǵan derek boıynsha QR QK-niń 345-baby 4-bóligimen (abaısyzda eki nemese odan da kóp adamnyń ólimine ákep soqqan jol júrý erejesin buzý) sotqa deıingi tergeý amaldary júrgizilýde.
«Medıtsınalyq kýálandyrýǵa sáıkes «Lada Granta» avtokóliginiń júrgizýshisi orta dárejeli mas kúıinde bolǵan», - dep habarlady departamentten.
