BQO-da erigen qar sýy joldy basyp qaldy
ORAL. QazAqparat – Batys Qazaqstan oblysynda erigen qar sýy joldyń ústine shyǵyp ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 24 naýryz kúni Bókeı ordasy aýdany Bısen aýyldyq okrýginde boldy.
Qardyń kúrt erýine baılanysty saǵat 18.00-de Bısen aýylynan 18 shaqyrym jerde oblystyq mańyzy bar Chapaev-Jańaqala-Saıqyn jolynyń 192-shaqyrymynda sý (eni 5 metr, tereńdigi 3-5 sm) joldyń ústine shyǵyp ketken.
«Kólik qozǵalysy buzylǵan joq. Jergilikti atqarýshy organdar (2 qyzmetker, 1 tehnıka) jáne polıtsııa bóliminiń (1 qyzmetker, 1 tehnıka) kúshimen kezekshilik uıymdastyryldy», - dep habarlady TJ departamentinen.
Osy mańnan ótip jatqan júrgizýshiler men jolaýshylar da sýdyń joldy jyryp ketkenin aıtyp, turǵyndarǵa saq bolý kerektigin eskertip jatyr.
