BQO-da er adamdy úıinde atyp ketti
ORAL. QazAqparat - Batys Qazaqstan oblysynda jambasynan oq jaraqatyn alǵan er adamǵa ota jasaldy, dep habarlaıdy QazAqparat tilshisi.
Oqıǵa 17 shildege qaraǵan túni Aqjaıyq aýdanynyń ortalyǵy Chapaev aýylynda bolǵan.
Turǵyndardyń sózine qaraǵanda, eki er adam bir-birimen kóshede sózge kelip qalǵan. Sodan keıin bireýi úıine kelgen. Esik qaǵylyp, ashqan kezde ony myltyqpen atyp ketken.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 17 shilde kúni tańǵy saǵat 06.30-da jas adam Aqjaıyq aýdandyq ortalyq aýrýhanasyna túsken. Jambasynan oq tıgen ári synǵan. Sol kúni oǵan ota jasaldy. Qazirgi kezde jaǵdaıy ortasha aýyr dárejede, birte-birte jaqsaryp keledi.
BQO ishki ister departamentiniń baspasóz qyzmeti bul oqıǵa týraly málimettiń keıin beriletinin jetkizdi.
