BQO-da er adamdy óltirdi degen kúdikpen Oral turǵyny izdestirilýde
ORAL. QazAqparat – Batys Qazaqstan oblysynda er adamdy óltirgen kúdikti izdestirilip jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, 3 aqpan kúni shamamen saǵat 16.30-da Aqsaı qalasyndaǵy jaldamaly páterlerdiń birinen 46 jastaǵy A. degen er adamnyń máıiti tabyldy.
Tekserý kezinde onyń denesinde zorlyqpen óltirilgen belgiler bar ekendigi anyqtaldy. Marqum buryn birneshe ret qylmystyq jaýapqa tartylǵan.
Osy asa aýyr qylmysty jasady degen kúdikpen Oral qalasynyń turǵyny, 1981 jylǵy Anton Gırchýk izdestirilýde.
«Onyń júrgen jeri nemese kúdikti týraly aqparat biletinder bolsa, 102, 8-711-2-98-45-30, 8-711-2-33-10-44 jáne 8-777-061-03-66 nómirine habarlasýǵa bolady», dedi polıtsııa departamentiniń baspasóz qyzmeti.
