BQO-da er adam jıenin qutqaramyn dep ekeýi de sýǵa ketti

ORAL. QazAqparat – Batys Qazaqstan oblysynda er adam jıenin qutqaramyn dep ekeýi de sýǵa ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 12 tamyz kúni Bórli aýdanynda boldy.

Aqsaı qalasynan 35 shaqyrym jerde «Rahmetov» sharýa qojalyǵy aýmaǵynda Berezov ózeninen saǵat saǵat 15.50-de jedel qutqarý jasaǵynyń (4 qyzmetker, 1 júzý quraly, 1 tehnıka) kúshimen 48 jastaǵy er adamnyń jáne 17 jasar qyzdyń denesi shyǵaryldy. Er adam shomylýǵa jabdyqtalmaǵan jerden túsip, sýǵa batyp ketken jıenin qutqarmaq bolǵan.

Osymen jyl basynan beri óńirde 29 adam sýǵa ketse, sonyń 10-y – jasóspirimder.

Eske sala keteıik, budan buryn Oralda ózenge batyp ketken 20 jastaǵy jigittiń denesi tabylǵanyn jazǵan bolatynbyz.