BQO-da er adam jem tartatyn mashınaǵa túsip ketken
2022 jyldyń jeti aıynda oblysta osy óndiriske baılanysty 33 qaıǵyly oqıǵa tirkelgen. BQO eńbek ınspektsııasy basqarmasynyń basshysy Asylulan Dosjanovtyń aıtýynsha, barlyǵy 39 adam zardap shekken. Onyń 20-sy aýyr jaraqat alsa, 9 adam toptyq jazataıym oqıǵadan zardap shegip, 10 adam qaza tapqan.
«Bul saladaǵy jazataıym oqıǵalardyń sebebi eńbektiń qaýipsiz tásilderin oqytýdaǵy kemshilikter, jumysty nashar uıymdastyrý, zardap shegýshiniń óreskel salǵyrttyǵy jáne aqaýly mashınalar, mehanızmder men jabdyqtardy paıdalaný bolyp otyr. Bıýdjettik uıymdardyń úsh qyzmetkeri qaza tapty, onda jazataıym oqıǵalar qozǵalatyn, aınalatyn zattar men bólshekterdiń áserinen oryn aldy», - dep atap ótti Asylulan Dosjanov.
Aýyl sharýashylyǵy salasynda eki jumysshy qaza tapty. Bir jumysshy óziniń jumys aýmaǵynan ketip, belgisiz jaǵdaıda jumys istep turǵan jem tartatyn mashınaǵa túsip ketken. Taǵy bir jaǵdaıda, jumysshy áıel belgisiz sebeppen tsehtyń tıeý aımaǵyna ótip ketken. Ony artqa sheginip kele jatqan traktor júrgizýshisi basyp ketti.
A.Dosjanov jumys berýshiler qyzmetkerlerdi qaýipsizdik jáne eńbekti qorǵaý máseleleri boıynsha oqytpaıtynyn, nusqamaıtynyn, bilimin teksermeıtinin atap ótti. Al keıbireýleri jazataıym oqıǵalardy jasyryp ta jatady.