BQO-da er adam káriz qudyǵyna qulap ketip, ajal qushty
ORAL. QazAqparat - Aqjaıyq aýdanynda káriz qudyǵyna túsip ketken er adamnyń múrdesi tabyldy, dep habarlaıdy QazAqparat tilshisi.
Oqıǵa 9 sáýir kúni tańerteń Chapaev aýylyndaǵy jol boıyndaǵy «Mıras» dámhanasynyń janynda bolǵan.
Dámhana qyzmetkerleri bolǵan oqıǵa jóninde aýdandyq ishki ister bólimine habarlaǵan. Polıtsııa qyzmetkerleri jedel izdestirý sharalary barysynda marqumnyń saýsaq tańbasy men bazadaǵy derekterge súıene otyryp, onyń kim ekendigin anyqtady. Ol Zelenov aýdanynda turǵan L. degen 1977 jylǵy azamat bolyp shyqty.
Aýdandyq ishki ister bóliminiń bastyǵy Bekbol Ortaevtyń sózine qaraǵanda, saraptamaǵa sáıkes er adam qudyqtaǵy sýǵa batyp ketken.
Qazirgi kezde tekserý júrgizilýde.
Foto: donpress.com
