BQO-da er adam anasyn óltirdi
Qaıǵyly oqıǵa 9 tamyz kúni saǵat 18-de Báıterek aýdanynda bolǵan. Batys Qazaqstan oblystyq polıtsııa departamenti baspasóz qyzmetiniń habarlaýynsha, anasy men ulynyń arasyndaǵy janjal ekeýi birge spırttik ishimdik ishkennen keıin týǵan.
«61 jastaǵy áıeldiń múrdesi tabyldy. Barlyq jeke quram dabyl boıynsha kóterildi, izdestirý sharalary jarııalandy. Kúdikti qylmystyq izi boıynsha ustaldy. Áıeldiń 35 jastaǵy uly faktini jasyryp, tergeýdi jańylystyrýǵa tyrysqan. Kúdikti men onyń anasynyń arasynda janjal bolǵany, artynsha er adamnyń anasynyń keýde tusyna dene jaraqattaryn salǵany anyqtaldy. Áıel alǵan jaraqattardan qaıtys boldy», - dep habarlady BQO Polıtsııa departamentiniń bastyǵy Mahsudhan Áblazımov.
Atalmysh fakti boıynsha QR QK 3-bólimi 106-baby «Ólimge ákep soqqan densaýlyqqa qasaqana aýyr zııan keltirý» boıynsha sotaldy tergeý bastaldy. Tolyǵyraq aqparatty polıtseıler tergeý aıaqtalǵannan keıin berýge ýáde berdi.
