BQO-da er adam 176 kg bekire balyǵymen ustaldy
ORAL.QazAqparat –Batys Qazaqstan oblysynda bekire balyǵyn zańsyz tasymaldap bara jatqan er adam qolǵa tústi, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, polıtseıler Oral-Jelaev tasjolynda túngi ýaqytta júk kóligin toqtatqan. Rýlde Oral qalasynyń 48 jastaǵy turǵyny bolǵan. Tekserý barysynda kóliktiń kýzovynan 176 kg bekire tuqymdas balyq anyqtaldy. Er adamnyń balyqty tasymaldaýǵa tıisti qujattary bolmaǵan.
Qazirgi kezde QR QK 339-babyna sáıkes (ósimdikterdiń nemese janýarlardyń sırek kezdesetin jáne joıylyp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergeý amaldary júrgizilýde.
Eske salaıyq, BQO-da 348 dana kıik múıizimen er adam ustalǵan bolatyn.
