BQO-da epıdemıologııalyq jaǵdaıdy turaqtandyrý úshin 115 mobıldi brıgada quryldy
ORAL. QazAqparat – Batys Qazaqstan oblysynda epıdemıologııalyq jaǵdaıdy turaqtandyrý úshin emhanalar men otbasylyq ambýlatorııalar janynan 115 mobıldi brıgada quryldy, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ BQO fılıalynyń dırektory Nurjamal Jumaǵulovanyń brıfıngte málim etkenindeı, karantın kezinde oblys boıynsha COVID juqtyrýdyń táýliktik ósimi 1,5 paıyzǵa deıin tómendedi.
Jedel járdem shaqyrý 25 paıyzǵa qysqarsa, jansaqtaý tósekterinde jatqandar 100-den 42 paıyzǵa deıin tómendep, provızorlyq jáne ınfektsııalyq statsıonarlardyń júktemesi
73 paıyzǵa deıin azaıdy.
Degenmen kúzde ádette juqpaly aýrýlardyń órshıtinine baılanysty koronavırýs pen pnevmonııamen aýyratyn naýqastardyń kóbeıýi boljanýda.
Osyǵan oraı medıtsınalyq saqtandyrý qory mobıldik brıgadalardyń jumysyn qarjylandyrýǵa jyl sońyna deıin 7,7 mlrd teńge (úıge 1,4 mln shyǵý esebinen) jumsaýdy
kózdep otyr.
Oǵan qosa qor indetten emdelip shyqqandardyń ınfektsııadan keıin ońaltý qyzmetterin qarjylandyrý týraly sheshim qabyldady.
N. Jumaǵulovanyń sózine qaraǵanda, qor indetti emdeý jáne aldyn alý sharalaryn qarjymen barynsha qamtamasyz etip keledi.
Aıtalyq, bastapqy kezeńde koronavırýspen kúres sharalaryna 674,9 mln teńge (respýblıka boıynsha 56,7 mlrd teńge) bólindi. Medıtsına qyzmetkerlerine ústemeaqy tóleýge 227,9 mln, emdeýge 386,9 mln, PTsR-dıagnostıkaǵa 60,2 mln teńge jumsaldy.
