BQO-da energııamen qamtýǵa bólingen 0,5 mlrd teńge jymqyryldy

NUR-SULTAN. QazAqparat - QR Qarjylyq monıtorıng agenttigi Batys Qazaqstan oblysynda «Nurly jer» memlekettik baǵdarlamasy aıasynda bólingen 540 mıllıon teńgege jýyq bıýdjet qarajatyn jymqyrý faktisin anyqtady, dep habarlaıdy QazAqparat.

Agenttikten málim etkendeı, bul qarajat «BQO-nyń Oral qalasyndaǵy turǵyn aımaǵynyń EJJ elektr energııasymen qamtamasyz etý» nysanyn salýǵa arnalǵan.

«Tergeý múddesine oraı basqa aqparat jarııa etýge jatpaıdy. Aıta ketsek, ótken jyly QR Qarjylyq monıtorıng agenttigi bıýdjet qarajatyn jymqyrý faktisi boıynsha 309 qylmystyq is qozǵady», - dedi QR QMA baspasóz qyzmetinen.