BQO-da eńbek zańnamasyn buzýǵa qatysty 260 derek tirkeldi
Bul týraly búgin Batys Qazaqstan óńirlik kommýnıkatsııalar qyzmetiniń alańynda BQO eńbek ınspektsııasy boıynsha basqarma basshysy Azamat Aıtýev málim etti, dep habarlaıdy «QazAqparat» tilshisi.
Onyń aıtýynsha tekserýler nátıjesinde 43 tulǵaǵa 7,238 mln teńge aıyppul salyndy. Olardy shartty túrde bylaı qarastyrýǵa bolady. Birinshisi - eńbek qatynastaryna qatysty. ıAǵnı, jumys berýshiler tarapynan qyzmetkerlerge jalaqyny ýaqtyly jáne tolyq mólsherde tólemeý, eńbek shartynyń jasalmaýy, eńbek sharty mazmunynyń QR Eńbek kodeksiniń normalaryna sáıkes kelmeýi, tártiptik shara qoldaný máseleleri boıynsha, onyń ishinde qyzmetkerdi tártiptik jaza qoldaný týraly aktisimen tanystyrmaýy, tártiptik jazanyń qyzmetker demalysta nemese eńbekke ýaqytsha jaramsyz bolǵan kezeńde berilýi, eńbek sharty toqtatylǵan kezde paıdalanylmaǵan jyl saıynǵy aqyly eńbek demalysy úshin ótemaqy tólemderiniń júrgizilmeýi boıynsha 201 zańbuzýshylyq tirkeldi.
Eńbek qaýipsizdigi jáne eńbekti qorǵaý máselesi boıynsha 42 zańbuzýshylyq anyqtaldy (óndirispen baılanysty jazataıym oqıǵalardyń ýaqtyly tergep-tekserilmeýi (jasyrý), qyzmetkerlerdi oqytýdy jáne nusqaý ótkizýdi uıymdastyrý boıynsha, qyzmetke jaramdylyq boıynsha mindetti medıtsınalyq tekserip-qaraýdyń ótkizilýin uıymdastyrý boıynsha).
Bıylǵy birinshi jartyjyldyqta 24 jazataıym oqıǵa oryn alyp, 2016 jyldyń (33 oqıǵa) osy kezeńimen salystyrǵanda, 23 paıyzǵa tómendedi. Jazataıym oqıǵalardan 32 adam zardap shegip, byltyrǵy jylmen (40) salystyrǵanda 20 paıyzǵa azaıdy. Ókinishke qaraı, bıyl 2 adam qaza tapty.
Kúni búgin oblystaǵy 37 iri jáne 92 orta bıznes kásiporny óz jumysynda eńbek qaýipsizdigi jáne eńbekti qorǵaýdyń ulttyq jáne halyqaralyq standarttaryn engizdi. Bıyl kásiporyndardyń 1300-den asa jetekshileri men mamandary eńbekti qorǵaý zańdylyǵyn bilý boıynsha tekseristen ótti.
Halyqty jumyspen qamtý boıynsha tirkelgen zańbuzýshylyqtar sany - 17 (ótken jyly - 74). Jalpy tekserister nátıjesinde zańbuzýshylyqtardy joıý týrasynda 112 nusqama berildi. Jaýapty 53 tulǵa ákimshilik jaýapkershilikke tartyldy.
Qyzmetkerlerdiń áleýmettik jaǵdaıyn jaqsartatyn jaǵdaılardyń biri - jumys berýshi men jumysshylardyń arasyndaǵy ujymdyq eńbek sharty. Kúni búgin oblysta 1494 ujymdyq shart tirkelgen. Ujymdyq shartpen 130 myńnan astam adam qamtylǵan (bul - barlyq eńbek etetin tulǵalardyń 55 paıyzy).
Ýákiletti organ qolǵa alǵan keshendi is-sharalardyń nátıjesinde tek jyl basynan beri 86 kásiporyn-uıymda jalpy kólemi 150 mln astam teńgeni quraıtyn jalaqy bereshegi óteldi. 709 adamnyń eńbek quqyǵy qorǵaldy. Kúni búgin 6 kásiporynda jalaqy bereshegi bar, olar boıynsha sot sheshimimen bankrottyq rásimder júrgizilýde. Sonymen qatar sot oryndaýshylarynyń óndirisinde 2 materıal bar, mundaǵy jalaqy qaryzy - 7,5 mln tenge.
Aıta keteıik, bıylǵy alty aıda barlyǵy 424 aryz-shaǵym tirkelgen.
