BQO-da eń iri kólemdegi sıntetıkalyq esirtki tárkilendi
Esirtki óndirýshiler Terekti aýdanynda garaj jáne aýladaǵy úıdi satyp alyp, ony jasyryn esirtki zerthanasy etip jabdyqtaǵan. Zerthananyń ereksheligi – onyń jabdyqtalýy men tazalyǵy, ol ónerkásiptik aýqymda sıntetıkalyq esirtki shyǵarýǵa eseptelgen.
Qaıta jabdyqtalǵan jasyryn zerthanadan polıtsııa qyzmetkerleri shyny ydysy bar eki konstrýktsııany, sondaı-aq muzdatqysh kamerany anyqtady. «Zerthana» úı-jaıynda jasandy jeldetkish bolǵan. Aýlanyń artqy jaǵyna árqaısysy 1000 lıtrden úsh bak kómilgen. Úıdi jáne zerthanany tintý barysynda untaq tárizdi zattar, qospalar, hımııalyq zattardyń kontsentrattary, sondaı-aq hımııalyq reagentteri bar kanıstrler, qorǵanysh kostıýmderi, respıratorlar men zerthanalyq jabdyqtar tabyldy.
Sonymen qatar, oqıǵa ornynda 11,4 kg mefedron sıntetıkalyq esirtkisi jáne 8,1 kg pırovaleron alyndy. Bul – Qazaqstanda tárkilengen eń iri sıntetıkalyq esirtki. Belgili bolǵandaı, esirtkini óndirýmen bizdiń elimizge kóktemde kelgen Ýkraına azamattary aınalysqan, olar birneshe jergilikti turǵyndarmen tyǵyz baılanys ornatyp, olardy sıntetıkalyq esirtki óndirý boıynsha qylmystyq is-áreketke qatystyrǵan.
Úı satyp alý, olardy jóndeý jáne basqa da jumystar tańqýraı butalaryn ósirýge jaǵdaı jasaý úshin búrkemelengen. Ol úshin JShS tirkelgen, ustalǵandar oǵan kent úıi men avtokólikti rásimdegen. Ustalǵandar birneshe ret synaýdan keıin 2020 jyldyń maýsym aıynyń sońynda sıntetıkalyq esirtki óndire bastaǵanyn moıyndady. Osyndaı zerthanany polıtsııa qyzmetkerleri mamyr aıynyń sońynda Almaty oblysynyń Talǵar aýdanynda joıǵan bolatyn.
nda zerthanalyq jabdyqtar men hımıkattardan bólek, satýǵa daıyn alty keliden astam mefedron tárkilendi. Júrgizilgen arnaıy operatsııa nátıjesinde 413 mln teńgeden astam somaǵa daıyndalǵan sıntetıkalyq esirtkiniń 120 myń dozasy esirtki tutynýshylarǵa jetken joq.
Ustalǵandarǵa qatysty Qylmystyq kodekstiń 297-babynyń 3-bóligi «Esirtki zattardy ótkizý maqsatynda zańsyz daıyndaý, ıemdenip alý, saqtaý, tasymaldaý nemese adamdar tobynyń aldyn ala sóz baılasýymen ótkizý» boıynsha sotqa deıingi is júrgizý bastaldy. Jaza múlki tárkilenip, on jyldan on bes jylǵa deıingi merzimge bas bostandyǵynan aıyrýdy kózdeıdi. Tergeý jalǵasyp jatyr.