BQO-da elde bolý erejesin buzǵan 280 sheteldik azamat jaýapqa tartyldy
ORAL. QazAqparat - Batys Qazaqstan oblysynda «Mıgrant» jedel aldyn alý sharasy barysynda úsh kún ishinde 325 ákimshilik quqyqbuzýshylyq tirkeldi, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, sonyń ishinde Qazaqstan Respýblıkasynda bolý erejesin buzǵan 280 sheteldik azamat ákimshilik jaýapkershilikke tartyldy. Sonymen qatar 36 qazaqstandyq azamattyń sheteldik jáne azamattyǵy joq adamdardy qabyldaý kezinde zań buzǵandyǵy anyqtaldy. Oǵan qosa sheteldik jumys kúshi men eńbek ımmıgranttaryn zańsyz tartqan 9 jumys berýshi ákimshilik jazadan qutyla almady.
Sondaı-aq 23 sheteldik azamat sot sheshimderimen el aýmaǵynan shyǵaryldy. Elde bolý erejesin buzǵan 89 sheteldikke ýaqytsha bolý merzimi qysqartyldy.
Qabyldaý-taratý ornyna belgili bir turaǵy jáne qujaty joq 17 adam ornalastyryldy.
Jedel aldyn alý sharasy kezinde el shekarasyn zańsyz kesip ótý men sheteldik jumys kúshin birneshe ret zańsyz tartýdyń bir-birden jáne QR aýmaǵynan shyǵarý jónindegi sot sheshimderin oryndamaýdyń 7 deregi belgili boldy.
