BQO-da eks-sheneýnik sot sheshimimen qyzmettik turǵyn úıden shyǵaryldy

ORAL. KAZINFORM — Qaratóbe aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi burynǵy sheneýnik pen onyń otbasyn qyzmettik turǵyn úıden májbúrlep shyǵarý týraly talap aryzben sotqa júgindi.

BQO sotynyń baspasóz qyzmetinen málim etkenindeı, jaýapker 2020 jyly 20 naýryzda Qaratóbe aýdany memlekettik satyp alý bóliminiń basshysy bolyp taǵaıyndalǵan.

Qaratóbe aýdany ákimdiginiń 2020 jylǵy 20 sáýirdegi № 60 qaýlysymen jaýapkerge Qaratóbe aýylynan qyzmettik úı kelisimshart jasalmaı berilgen. Memlekettik qyzmetshi Qaratóbe aýdany ákiminiń 2024 jylǵy 30 sáýirdegi ókimimen qyzmetinen bosatylǵan.

Sot otyrysynda jaýapker talap aryzdy tolyq moıyndamady. ıAǵnı óziniń asyraýynda múmkindigi shekteýli kámelet jasyna tolmaǵan balasy bar ekenin, Qazaqstan Respýblıkasy aýmaǵynda basqa turǵyn úıi joq ekenin eskerip, sottan talap aryzdy qanaǵattandyrýsyz qaldyrýdy surady.

«Turǵyn úı qatynastary týraly» QR Zańynda kózdelgenindeı, eńbek qatynastaryn toqtatqan qyzmetkerler ózimen birge turatyn  adamdarmen qosa basqa turǵyn úı-jaı berilmesten shyǵarylady.

- Qaratóbe aýdandyq sotynyń sheshimimen jaýapker men onyń otbasy múshelerin qyzmettik turǵyn úıden májbúrlep shyǵaryp jiberý týraly talap aryz tolyǵymen qanaǵattandyryldy. Sonymen qatar Qaratóbe aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimine kelisim-shart jasamastan turǵyn úıdi jalǵa bergeni úshin jeke uıǵarym shyǵaryldy. Sheshim zańdy kúshine engen joq, - dep habarlady vedomstvodan.

Eske sala keteıik, budan buryn BQO-da memleketke 56 mln teńgeden astam zalal keltirgen memqyzmetshi sottalǵanyn jazǵan edik.