BQO-da ekpeden bas tartqan ata-analar sany myńnan asyp otyr
ORAL. QazAqparat - Batys Qazaqstan oblysynda túrli sebepter boıynsha balasyn ektirýden 1137 ata-ana bas tartyp otyr, dep habarlaıdy QazAqparat tilshisi.
BQO qoǵamdyq densaýlyq saqtaý departamentiniń basshysy Jaıdar Qurmanovtyń aıtýynsha, sonyń teń jartysynan astamy (55,6 paıyzy) Oral qalasynyń úlesine tıedi.
Sol sekildi Zelenov (12,1 paıyz), Syrym (8,1 paıyz), Bórli (7,3 paıyz), Aqjaıyq (6,2 paıyz) aýdandarynda da ekpeden bas tartqandar barshylyq.
Ata-analardyń 68,4 paıyzy dinı nanym-senimge, 22,3 paıyzy jeke ustanymdaryna jáne 9,3 paıyzy ekpege senbeýine baılanysty bas tartqan. Ókinishke qaraı, ata-anasy ekpeden bas tartqan eki jasar balanyń týberkýlezge shaldyqqany anyqtaldy, ol qazir emdelýde.
Degenmen túsinik jumystary nátıjesinde 111 balanyń ata-anasy perzentterin ektirýdiń kerektigin uǵyndy.
Aıta keteıik, ótken jylǵy 11 aıda óńirde 293 adam týberkýlezge shaldyqsa, bıyl olardyń sany 295-ke jetip otyr. 14 jasqa deıingiler arasynda bıyl alty jasóspirim týberkýlezben aýyrǵan, bul da ótken jylǵy deńgeıde.
