BQO-da ekonomıkalyq qylmystar boıynsha keltirilgen zalal kólemi 1,6 mlrd teńgeden asty

ORAL. KAZINFORM – Batys Qazaqstan oblysynda ótken jyly ekonomıkalyq saladaǵy 32 qylmystyq is tirkeldi.

BQO boıynsha ekonomıkalyq tergep-tekserý departamenti basshysynyń orynbasary Azamat Ahmetovtiń óńirlik kommýnıkatsııalar qyzmeti alańynda ótken brıfıngte málim etkenindeı, keltirilgen zalal kólemi 1,6 mlrd teńgeden asty.

Azamat Bolatulynyń sózine qaraǵanda, atalǵan ister boıynsha barlyǵy 41 adam kúdikti dep tanyldy.

- Sotqa deıingi tergep-tekserý aıasynda zalaldy óndirýdi qamtamasyz etý maqsatynda kúdiktiler men olarmen úlestes adamdardyń múlkine 1,7 astam mlrd teńgege tyıym salyndy. Óz erikterimen 262,5 mln teńge óndirildi. 304 mln teńgeniń múlki tárkilendi. Qazirgi tańda sottarda 8 qylmystyq is qaralyp jatyr. Bul ister boıynsha 200 mln astam teńgeniń múlkine tyıym salynǵan. Turǵyndardyń qarjylyq turaqtylyǵyna jáne óńirdiń ekonomıkalyq qaýipsizdigine baılanysty basym baǵyttar udaıy nazarda, - dedi A.Ahmetov.

Eske sala keteıik, budan buryn BQO-da alaıaqtar dropperler arqyly 17 mln astam teńgeni aýdaryp jibergenin jazǵan edik.