BQO-da eki júk kóligi soqtyǵysyp, júrgizýshi kóz jumdy
BQO polıtsııa departamenti baspasóz qyzmetinen túsken málimetke qaraǵanda, oqıǵa shamamen saǵat 16.30-da Terekti aýdany Podstepnyı aýyly mańynda boldy.
«Oralǵa qarasty Melovye gorkı aýylyna jetpeı, eki DAF júk kóligi túıisken. Sonyń saldarynan 44 jastaǵy júrgizýshi kóz jumdy. Oqıǵa ornynda polıtsııa qyzmetkerleri jumys jasady. Tıisti saraptamalar taǵaıyndaldy. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. BQO polıtsııa departamenti júrgizýshiler men turǵyndarǵa jol erejesin qatań saqtaý, aýa raıynyń ózgerýine baılanysty alys saparǵa shyqpaý kerektigin eskertedi» dep habarlady vedomstvodan.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 16.36-da shaqyryldy. 44 jastaǵy er adam oqıǵa ornynda qaıtys boldy. Aýyr jaraqaty joq 1989 jylǵy er adam aýrýhanaǵa jatýdan bas tartty.
Oqıǵa ornyna BQO TJ departamentiniń qyzmetkerleri de jedel jetip, tıisti qyzmetterin atqardy.
Eske sala keteıik, budan buryn BQO-da mal urlyǵymen aınalysqan toptyń quryqtalǵanyn jazǵan bolatynbyz.
